Москватәи алхырҭатә ҭыԥ аҿы Аԥсны ахада иалхрақәа шеиҿкааз, насгьы шаҟаҩык рхы аладырхәыз атәы арадио Sputnik Аԥсны аефир аҿы еиҭеиҳәеит Урыстәыла аҳҭнықалақь аҿы иаартыз аԥшьбатәи алхырҭатә ҭыԥ акомиссиа алахәыла Ахра Амҷба.

Урыстәыла Афедерациа ахеилак аҟынтәи аделегациа Аԥсны ахада иалхрақәа ишрыцклаԥшуаз, лкаақәас иҟарҵаз уҳәа ртәы шәаԥхьа Sputnik Аԥсны аматериал аҟны.

Аԥсны ахада иалхрақәа ирылахәын 60-ҩык рҟынӡа жәларбжьаратәи анаԥшыҩцәа – Урыстәыла, Аахыҵ Уаԥстәыла, луганск, донецк ареспубликақәа, Венесуела, Германиа, Китаи рҟынтәи.

Қырҭтәыла ахада Саломе Зурабишвили аҳәамҭа ҟалҵеит хықәкы хадас илымоу Аԥсныи Аахыҵ Уаԥстәылеи Қырҭтәыла азырхынҳәра шакәу.

Урыстәыла Афедерациа ахеилак аҟынтәи Аԥсны алхрақәа рхылаԥшразы иааз анаԥшцәа Sputnik Аԥсны апресс-конференциаҿы ажурналистцәа рызҵаарақәа рҭак ҟарҵеит.

Аԥсны Жәлар реизара ахантәаҩы Валерии Кәарҷиа арадио Sputnik Аԥсны иаиҭаз аинтервиу аҿы иҳәеит Ҭырқәтәыла Аԥсны атәыла ахадақәа иалхрақәа рымҩаԥгара ахьалымшаз гәалас ишимоу атәы.

Урыстәыла Аԥсны ахьыԥшымра азхаҵара аҩҳәынҭқаррак рзы ҵакыс иамаз атәы арадио Sputnik Аԥсны аефир аҿы еиҭеиҳәеит ауаажәларратә еиҿкаара "Абзанхара" ахантәаҩы Нугзар Ашәба.

Аԥсны ахада иалхрақәа мҩаԥысит амҽыша, нанҳәа 25 рзы, рыбжьы арҭеит 66,55% алхыҩцәа.

Алхратә комиссиа хада заанаҵтәи адыррақәа рыла, Алхас Кәыҵниа иоуит 21,97% абжьқәа, Рауль Ҳаџьымбеи иареи Аԥсны ахада иалхрақәа аҩбатәи ртур ахь инеит.

Аԥсны иазгәарҭоит Урыстәыла Аԥсны ахьыԥшымра азханаҵеижьҭеи 11 шықәса аҵра.